خزانے میں خورد برد میں ایک اور گرفتاری 

نیو ٹہری۔ نریندر نگر کے خزانے میں کروڑوں روپے کے غبن کے مشہور معاملے میں پولس نے ایک اور ملزم کو گرفتار کیا ہے۔ 6 جنوری کو سینئر ٹریژری آفیسر ٹہری نمیتا سنگھ نے ٹریژری آفیسر جگدیش چندر، اکاؤنٹنٹ ونے کمار چودھری اور پی آر ڈی سہبت سنگھ پڈیار کے خلاف نریندر نگر ٹریژری میں روپئے کے غبن کے سلسلے میں مقدمہ درج کیا تھا۔ جس میں 7 افراد کو پہلے گرفتار کیا گیا تھا۔ ایس ایس پی نونیت سنگھ بھولر نے معاملے کے تمام ملزمان کی جلد گرفتاری کی ہدایت دی تھی۔ جس کے تحت پولس تھانہ نریندر نگر نے دنیش تھپلیال ولد وشمبھر تھپلیال ساکن ڈھل والا شانتی نگر کو دوسرے ملزم کے طور پر گرفتار کیا ہے۔ گرفتاری میں ایس ایچ او پردیپ پنت اور ہیڈ کانسٹیبل شانتی پرساد ڈمری کا رول اہم تھا۔